لاصحاب الشوازن ( كيفية صيد مجموعة حمام بطريقة سهلة جدا )

السلام عليكم ورحمة الله وبركاته ...
اليوم يا جماعة الخير بتكلم عن طريقة سهلة .. واظنها ما تخفى على اهل الصيد ..
وعنوانها طبعا .. كيفية صيد حمام الفاخت والسوادي ..
تدرون الحين حر يا جماعة ومو موسم صيد وفمالنا الا الطيور المواطنة ( الله والطيور عاد كلها فاخته وزرزور لووول ) ..
اول شي اذا كانت عندك مزرعة فهذا افضل شي ..
اول شي تحط كل يوم اكل وماي مكان معين انت تبي ترمي فييه وانطر لين يتعود علييه الحمام لمدة على الاقل اسبوعين ..
ثاني شي .. بعد هالاسبوعين ان شاء الله راح تلقى الحمام مترسين بالمكان .. روح لهم ورى صلاة الفير مباشرة قبل لا يشق النور والبد قريب يم المكان اللي تحط فييه ماي بمسافة 20 الى 25 متر واكل وطبعا اللي يعبر علييك مطيار لا ترميه انطر خلهم كلهم يطبون واذا صاروا تقريبا 20 او 30 طير اطلع لهم وفرغ المخزن فييهم ورى بعض بدون لا تركز .. وبعدين عاد شلخ المطيار اللي يعبرون فوقك .
ويفضل انك تحط اول شي 36 قرام رقم 9.5 واذا الشوزن كانت جوكات يفضل جوك 3 .. وبعدين حق المطيار يفضل جوك رقم 2 وفشق 36 قرام رقم 4 .
والسلام عليكم وحمة الله وبركاته .

العفو يالحبيب .. والله انا انصحك تروح نادي الرماية وتعلم شلون ترمي .. صدقني راح تدعيلي بالخير وعمرك ما راح تهد الهواية هذي

مـــشكوووور حبيب قلبي .. ما تقـصر.. والله انا وإأيد قالوولي هالطريقـة بس ما جربتهـآ ..

ويعطيك ألف عـآفــية
ولا تحرمـنـآ من مواضيعك في هذا القسم ..

مشكوووووووووووور ويعطيك اعافيه

تقبل مرري

تحياتي

مشكورين اخواني عالمرور ويعطيكم الف عافية ...