اللي يبي يشتري ام صجمة يدخل ...

السلام عليكم ورحمة الله وبركاته ...
اشلونكم شباب شخباركم .. ان شاء الله تمام ...
المهم اليوم بتكلم عن نقاط يجلها الكثيير من المبتدئيين في عالم الصيد وفي شراء الام صجمات والاسلحه...
وكما لاحظنا في الآونة الأخيرة انا المنتديات قاموا يبيعون ام صجمات عادي .. ففي بعض الناس مساكين ما يعرف جم سعر الام صجمة بالمحل فينغش ويشتري ام صجمة مستعمله بسعر نفس سعر اليديدة او اغلى بعد ..
والحين راح اتكلم عن بعض النقاط اللي سبق وان قلت اني بتكلم عنها حق اللي يبي يشتري ام صجمة ..

1 . اول شي لازم تحدد نوع الصيد اللي تبي تصيده .

2 . لازم تعرف جم قوة الام صجمة .

3 . لازم تعرف جم وزنها وهل هو مناسب لك ولا لا ( في بعض الناس يفضل الام صجمة الثقيلة ويقول لك تعطيك ثبات اكثر بالرمي .. وفي ناس يقولك الخفيفة احسن وبالنهاية كل واحد ورغبته )

4 . واذا تبي تشتري ام صجمة مستعمله شوف سعرها بالمحلات وقارنها مع الام صجمة المستعمله يمكن يبي يغشك ويبيعك اغلى من سعرها .

5 . وهم اذا تبي تشتري ام صجمة افتر على اكثر من محل .. لان في بعض المحلات يبيعونها اغلى من المحلات الثانية ( فرق بسييط يا جماعة الخير يمكن 10 او 15 دينار .. وانا بالنسبة لي ما افكر بس في بعض الناس يقولك لااا المحل الفلاني يبيع الام صجمة الفلانية ارخص من هالمحل بدينارين ونص لووووووووول )

6 . افضل الام صجمات اللي تتراوح ما بين سرعة 170 الى 305 متر بالثانية ( اما بالنسبة لي انا فافضل اللي سرعتهم 305 متر بالثانية لانها بتاع كلوا على قولة اخوانا المصريين تنفع حق كل الطيور الصغار والكبار .. اما اللي سرعاتهم قليلة مثل 170 مثر بالثانية فلازم ترمي فيها طيور صغار واهيا مخصصة حق الطيور الصغار .. فمثلا اذا تبي ترمي فيها فاخته عن بعد 15 متر تطير ولا جنك راميها اما اللي سرعاتهم 305 15 متر تخليها تنزل على ويها :d )

7 . يفضل انك تاخذ ام صجمة صجم صغير اللي اهوا 4.5 احسن من 5.5 .. لان الصجم الكبير 5.5 سرعته تصير اقل ومع الاستعمال تظعف وايد وهم اذا كانت الصيدة على بعد كبير منك تنزل تحتها .

8 . واللي يبي يشتري ام صجمة انا ارشح له هذول الثلاث ( ديانا .. فايروخ .. جامو ) واقطع .

واخيرا يا جماعة الخير اللي يبي يشتري ام صجمة وماله خلق يسال بالمحلات يسالني وانا حاظر وبالشوفة ..
والسلام عليكم ورحمخة اله وبركاته .

حياك يالحبيب .. ومثل ما ذكرت فوق اي سؤال يطري على بالك قولي ..

بسم الله الرحمن الرحيم ..
اخوي بوعبدالكريم مشكور وما تقصر ..
بس بغيت اسئلك يعني ام صجمة تقريبا أعلى سعر لها جم ؟ اعلى شي ؟

السلام عليكم ورحمة الله وبركاته ..
العفو وما سوينا الا الواجب .. وبالنسبة لابو عابد فاقولك : اغلى ام صجمة مرت علي واهيا حق احتراف وهالسوالف وحق اولمبيات وكان سعرها 850 على ما اظن .. بس طبعا مثل ما قلت لك هذي حق اولمبيات .. وراح اعطيك فكرة مثلا عن اسعار ديانا اللي اهيا اشهر من نار على علم ( اسعارها تبدي من 60 دينار لي 200 دينار ) .. الجامو الاسبانية هم شركة طيبة واسعارها بعد طيبة ( اسعارها تبدي من 35 دينار لي 150 دينار ) .. والفايروخ هم شركة عريقة غنية عن التعريف .. بس اسعارهم والله مو ذاكرهم عدل .. ( الفايروخ والديانا المانيات )

واي سؤال انا حاظر

كل الشكر للي رد عالموضوع .. وان شاء الله الكل يستفيد منه ..
وبالنسبة لابو عابد .. انا كل شي عندي لوووووول .. بالاحرى يعني كل شي عندنا .. من الام صجمة لي الاسلحة النارية اللي اهيا الشوازن .. وان جان تبيني اعطيك نبذة مختصرة عن اللي عندنا هم انا حاظر